فن ومشاهير

ميمي جمال تكشف كواليس زواجها من حسن مصطفي وأزمة مسرحية دو رى مى فاصوليا

قالت الفنانة ميمى جمال انها كانت زميلة حسن مصطفى فى فرقة سيد بدير لمسرح التليفزيون ، و كنت مخطوبة لظابط ، لمدة سنة و نصف و قال لى انا مستنيكى تخلصى تمثيل و بعدين نتزوج لان انا ظابط ماينفعش تبقى مراتى ممثله ، فحصلت لى كسره وقتها ، و كنت بعمل مسرحية مطرب العواطف ، و كنت بحكى ليه على اللى حصل معايا ، و كان والدى متوفى من و انا صغيره ، و كان بيحكى لى على كل حاجة و هو كان متزوج و عنده بنت .

و اضافت ميمى خلال لقاءها مع الإعلامى دكتور عمرو الليثى بيرنامجه واحد من الناس على شاشة الحياة ، و الاستاذ سيد بدير جه قال لى طلما بتحبوا بعض طيب ما تتزوجوا ، فانا قولت ليه لا ازاى هو متزوج و عنده بنت ، فقال ليه سيد بدير شوف مراتك و بنتك هتعمل معاها ايه و بعد كده نشوف ، و بعد كده طلق زوجته لان فى مشاكل بينهم كتير ، و ماما كانت رفضه الزواج لانه اكبر منى ، و كان وكيل وزارة فى التربية و التعليم و كان ماسك المسرح المدرسي .

و تابعت انا ضغطت على ماما و اتزوجته ، و قولت ليها احنا هنشتغل احنا الاثنين و نكبر مع بعض ، و حسن كان بيغير عليا بدون ما يحسسنى ، و مرة فى المسرح مسرحية دو رى مى فاصوليا ، كنت لابسه سواريه ، و واحدة زميله ربنا يسامحها ، مش شايف ميمى بتلبس ايه فى المسرح ، فلقيته داخل عليا المسرح و بعد العرض قال لى انتى على طول بتلبسى كده لازم الفستان يتغطى بشال ، و كنت مزنوقه فى العرض و ملحقتش اجيب الشال ، و هو عرف انى ما لبستهوش و قال لى كده مش هينفع نكمل مع بعض لانى قولت حاجة و انتى ما نفذتيهاش ، بعد ٣٠ سنة زواج ، و ساب البيت و بقى يبات عند سمير خفاجة ، و انا عملت الشال للفساتين ، و كلمت سمير يقوله ميمى عملت اللى انت عاوزه و اتصلحنا .


مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

You cannot copy content of this page