«هاتفك الذكي بيتجسس عليك وانت مش داري»… 5 إشارات خطيرة في واتساب معناها إنك تحت المراقبة !!

واتساب من أكتر التطبيقات استخدامًا في العالم، والمحادثات عليه بتكون شخصية جدًا، سواء بين الأهل أو في الشغل. لكن للأسف، في ناس بتوصل لمرحلة إنها تراقب غيرها من غير ما يحسوا، وده ممكن يتم من خلال وسائل مختلفة زي اختراق الحساب أو تثبيت تطبيقات تجسس.

في المقال ده، هنكشف لك 5 علامات واضحة لو ظهرت عندك على واتساب، لازم تشك فورًا إن في حد بيراقبك أو بيتجسس عليك…

1. رسائل مقروءة وأنت ما فتحتهاش!

لو دخلت على محادثة معينة ولاقيت إن الرسائل متعلّم عليها “صحين أزرق” أو إن الطرف التاني شاف ردك وأنت أصلاً ما فتحتش المحادثة، فدي علامة خطيرة.

ليه؟

ده ممكن يكون بسبب إن شخص ما بيفتح واتسابك من جهاز تاني عن طريق “واتساب ويب” أو حسابك مفتوح من مكان غريب.

الحل:

افتح واتساب > الإعدادات > الأجهزة المرتبطة

لو لقيت جهاز مش تابع ليك، احذفه فورًا

2. سرعة نفاد البطارية بشكل غير طبيعي

لو لاحظت إن بطاريتك بتخلص بسرعة وانت مش بتستخدم واتساب أو أي تطبيقات تقيلة، ممكن يكون في تطبيق تجسس بيشتغل في الخلفية وبيسجل كل حاجة.

ليه؟

تطبيقات التجسس بتسحب بيانات من الواتساب زي الصور والمحادثات وبتبعتها للطرف التاني، وده بيستهلك البطارية بشكل كبير.

3. ارتفاع مفاجئ في استهلاك الإنترنت

لو باقة الإنترنت بتخلص بسرعة على غير العادة، أو لقيت استهلاك عالي في بيانات الخلفية رغم إنك مش فاتح فيديوهات أو بتحمّل ملفات، فده احتمال كبير يكون فيه حد بيرفع نسخة من محادثاتك وملفاتك على سيرفر خارجي.

اعمل إيه؟

راقب استخدام البيانات من إعدادات الجهاز.

لو لقيت واتساب بيستهلك إنترنت كتير في الخلفية، شغّل “تقييد البيانات في الخلفية”.

4. تغيّرات غريبة في واتساب من غير تدخل منك

زي إيه؟

صور البروفايل بتتغير

إعدادات الخصوصية اتغيرت (زي آخر ظهور، أو من يقدر يشوف حالتك)

محادثات محذوفة أو ظهرت محادثات جديدة ما فتحتهاش

دي إشارات واضحة إن في حد بيستخدم حسابك من غير علمك.

5. رسائل غريبة من أرقام مجهولة فيها روابط أو أكواد

لو بدأت توصلك رسائل فيها روابط غريبة أو أكواد تحاول تقنعك تدخل تضغط عليها أو تشارك بياناتك، فده غالبًا محاولة اختراق.

بعض الرسائل دي بتكون ظاهرها عادي، لكن فيها روابط بتثبت تطبيق مراقبة تلقائيًا لو ضغطت عليها.